作为港女人版，我在香港 畀贴士 一直奉行「加一收费，贴士咪制」的策略，明码实价唔使计又唔使烦，可惜人在外地，入乡随俗要记住几时畀18%贴士、几时畀散纸的确好烦，尤其是去美国，畀少咗个崩那块面真係黑过墨汁，所以我一定袋住有用的App帮手计Tips！

文：杜游珍

小费逐样计 贴士三级制

去过咁多地方，美国对贴士嘅坚持就真係令人费解，你有冇谂过，买杯Starbucks、食个汉堡包都expect你畀小费？美帝国度里，上餐厅时，15/18/20%三级制贴士是常态，好彩帐单会帮你计埋让你随心畀贴士，唔好彩就要即刻计。在酒店，要畀贴士嘅情况更多，一般要向Porter畀每件行李US$1、清洁的阿姐每晚畀US$2-$5贴士，如果搵Concierge帮你订位食饭，亦最好付US$20打赏。话时话，原来美国之所以流行畀贴士，因为好多侍应无底薪或者刻薄老闆预咗侍应会收到贴士，所以去美国的话，各位就当予人方便，服务唔太差，记得 畀贴士 ！

美国的士佬 贴士暗抢钱

在没有Apple pay的年代，无散银旁身搭的士，几乎係死路一条。话说当年阿珍第一次去纽约，坐的士去机场又没有散银，冇畀贴士，司机当场发烂，竟说贴士可以找续，我当然睬佢都傻，一支箭标去入闸。好彩司机冇死缠，唔係都好麻烦。其实美国搭的士懒例要畀15-20%贴士，近年有咗电子收费，畀钱时可以自选畀20/25/30%，但原来唔一定要畀呢个range！收费錶上有自订一栏，服务好一般的话，畀15%已经算畀面佢！

伸延阅读：环球「畀贴士」贴士

3个实用计TIPS APP

01 | 最靓界面 TIPTAB

Tiptab下载网址：iOS (不设Android版本)

02 | 详列做Spa、饮嘢贴士应付多少 Tip Check

Tip Check下载网址：iOS (不设Android版本)

03 | AA制分单最方便 Tab

Tab下载网址：iOS Android